ماجد هاني يهاجم عبد الواحد السيد بتلك التصريحات.. طالع التفاصيل

ظهر منذ قليل اللاعب ماجد هاني لاعب الفريق الأول لكرة القدم بنادي الزمالك و الذي كان معارًا لصفوف نادي بلدية المحلة الموسم الحالي في تصريحات تليفزيونية للحديث عن عودته لنادي الزمالك و موقف عبد الواحد السيد.

إستهل اللاعب ماجد هاني تصريحاته مردفًا : انا ماتبلغتش إني إرجع نادي الزمالك تاني وماتبلغتش إن أنا هاطلع إعارة أو أكمل في الزمالك، واتصلت بالكابتن عبد الواحد السيد أكتر من 5 مرات وبعتله على الوتساب ماردش وبعد كده رد عليا قال أنت مين قولتله أنا ماجد هاني، قالي أنت مش موجود معانا وهانشوفلك إعارة.

 إستكمل اللاعب عن أزمته مع عبد الواحد السيد موضحًا : أنا رديت عليه و قولتله هاجيب عرض بيع نهائي قالي تمام ماشي، وقولتله بس لما أجيب عرض ماتطلبش مبالغ كبيرة قالي لا هات عرض بس.

واصل اللاعب تصريحاته مشيرًا إلى : جوزيه جوميز المدير الفني أصلا مايعرفش مين ماجد هاني والكابتن عبد الواحد السيد هو اللي رجع اللاعيبة المعارة  والكابتن عبد الواحد هو الوحيد اللي بيقرر مين يرجع ومين مايرجعش.

إختتم اللاعب تصريحاته قائلًا : معاذ علاء وعبد الرحمن نفاد ثنائي حراس المرمى أتقيدوا في أفريقيا الموسم الماضي، فجأة مشيوا من النادي، هما مش مشيوا هما اطردوا من النادي، والإجابة عند الكابتن عبد الواحد السيد مدير الكرة والتعامل مع اللاعيبة الشباب مش كويس.